لو مشرفنا الباشا راح يخطب

هنفترض ان المشرف اسمه ( الباشا )

والعروسه نخليها مثلا ( سوسو )

الباشا راح خبط على الباب فتح والد العروسة

- منور يا ابنى

- ده نورك يا عمى

- تشرب ايه يا ابنى

- اى حاجة يا عمى

- هاتيلو شاى يا بنتى

- ميرسى يا عمى

- كنت عاوزنى فى ايه باه ؟؟؟؟

- يا عمى انا يسعدنى ويشرفنى انى اتقدم واطلب ايد بنتك ( سوسو )

- يا باشا يا ابنى ده انا اتشرف بس انا معرفش حاجه عنك

- ازاى يا عمى ؟ انت مش بتدخل على النت ؟ دى قايمه بكل اسماء المواقع اللى انا فيها ممكن

حضرتك تسأل عنى

- يعنى اسال عليك فى الاماكن دى؟

- طبعا وانا معروف جدا هناك ودى مبتكذبش اسال بس عن الباشا

- مين ؟؟؟؟

- الباشا انا ده مفيش حد على النت ميعرفنيش

- طب يبنى شغلتك ايه؟

- يا عمى انا مشرف

- ايوه يعنى بتشتغل ايه؟
مشرف قد الدنيا فى قسم (يعنى يا عمى رئيس قسم)انت فاهمنى ؟

-كويس جدا كمبيوتر يعنى

- تقدر تقول كده

- طيب حلو اوى مهندس كمبيوتر شغلانه جميلة طب ماقلتش ليه كده من الاول ؟

- اصلى مش مهندس اصلا انا محاسب

- الله طب ما علينا بتشتغل فين ؟؟؟؟

- على الكمبيوتر بتاعى

- ايوه يعنى فى شركة ايه ؟؟؟

- لا تبع نفسى

- وماله الشغل الحر مفيش احسن منه طيب شركتك فين ولا فاتح محل؟

- لا فى البيت عندى عادى

- طيب بتقبض كام ؟؟؟؟

- لا يا عمى انا مش بقبض انا بتعامل بالموقع مع كل واحد لوحده يعنى مفيش اسعار ثابته

- طب اخر موقع اخدت فيه كام ؟؟؟؟؟؟

- لا اخر موقع ده كان لواحد صاحبى دخلت فيه مشرف مجامله

- لا حول ولا قوة الا بالله طيب معندكش اى املاك اراضى عمارات اى حاجه يعنى ؟؟؟؟

- اه طبعا عندى

- ايوة عندك ايه ؟؟؟؟

- منتدى يا عمى

- ده ايه ده بأه ان شاء الله ؟؟؟؟؟

- ده برده على النت بس عندى فيه دلوقتى 200 عضو يا عمى

- وبيدفعوا كما دول يا ابنى

- لا مش بيدفعوا ده انا اللى نفسى ادى الناس فلوس عشان تشترك

- لا حول ولا قوة الا بالله طب ليه يبنى الغرامه دى وعامله ليه؟

- منا هكسب من الاعلانات يا عمى انت مش معايا ولا ايه؟

- حلو اوى المنتدى بتاعك ده يشيل كام اعلان؟

- ممكن لحد عشرين

- طب وبعت الواحد بكام؟

- لا لسه محدش اعلن عندى لسه

- طب يبنى عايش منين ولا بتصرف منين ولا حتى هتعيش بنتى منين؟

- منين ايه بس يا عمى ده انا معايا فيزا محدش فى كفر البطيخ عاملها

- يبنى فيزا ايه بس بقولك هتجيب فلوس منين؟

- من شغلتى والمواقع اللى انا بشرف فيها

- وهى فين دى؟

- منا مديلك لسته بيها هنهرج ؟؟؟؟

- لا يبنى انا مجوزش بنتى لواحد شغلته فى الهوا كده

- هوا ايه بس يا عمى كل المواقع دى على هوستات وواخده رانك كمان انت عارف انا فى خلال سنتين

بس

- انت ياض

نعم يا عمى ؟؟؟

- انت عارف لو غمضت عينى وفتحتها ولقيتك قدامى هعمل فيك ايه؟

- ايه يا عمى ؟؟؟؟؟

- هقتلك امشى اخرج برة

- يخرج البـــاشـــــا برة جـــــرى

- ادى يا ست سوسو جايبالى واحد نصاب دا انا هاكسرلك الكمبيوتر اللى انتى قاعدالى عليه ليل نهار

ده

[/color]

ADMIN عدد المساهمات : 64 تاريخ التسجيل : 21/04/2009

الكبيـــــــــــــــر كبيــــــــــــــــــر
الله على القصه دى
طب فى الاخر اتجوز ولا ابه عم المشرف
thanks so so so so so so so so so much

موضوع: شكرا الجمعة يوليو 10, 2009 4:14 pm

الله ينور عليك
تابع هكذااااااااا Very Happy